Rong bibliotek
Biblioteket finn du i andre høgda på Rong senter. I tillegg til bøker har biblioteket lydbøker, ei romleg dvd-samling, musikk, tidsskrift og aviser. I lokalsamlinga finn du m.a. 800 foto i album, kyrkjebøker frå Herdla og Manger på mikrofilm, folketeljingar, skifteprotokollar og mykje anna. Biblioteket har pc-ar med tilgang til internett for publikum og trådlaust nett til dei som har med eigen pc. Brukarnamn og passord for å knyte seg til får ein i skranken. I biblioteket si pedagogiske samling kan lærarar låna lettleste bøker, konkretiseringsmateriale og pedagogisk litteratur i engelsk, norsk og matematikk. På spelrommet kan ein spele brettspel, Nintendo DS, Playstation3, Playstation4 eller Nintendo Wii. Biblioteket har óg eit utval konsollspel til heimlån. I tillegg har biblioteket eit studierom med fire arbeidsplassar ein kan låna. Snakk med dei i skranken når du kjem!